मौजे भायगव्हाण हे महाराष्ट्र राज्यातील जालना जिल्ह्यातील घनसावंगी तालुक्यात वसलेले एक प्रगत व आदर्श गाव आहे. हे गाव विभाग छत्रपती संभाजीनगर (औरंगाबाद) अंतर्गत येते. जिल्हा मुख्यालय जालना शहरापासून सुमारे ५५ कि.मी. अंतरावर गाव वसलेले आहे. तालुक्याचे ठिकाण घनसावंगी येथून गावास सहज वाहतूक सुविधा उपलब्ध आहे.

ग्रामपंचायत भायगव्हाणची स्थापना दिनांक ०१ मे १९६२ रोजी झाली. सन २०२१ च्या जनगणनेनुसार गावाची एकूण लोकसंख्या १,७३६ असून त्यामध्ये ९२२ पुरुष व ८१४ महिला आहेत. गावात एकूण ३८२ कुटुंबे वास्तव्यास आहेत. मतदार संख्या ९७३ आहे.

गावातील प्रमुख व्यवसाय शेती असून अनेक कुटुंबे दुग्धव्यवसाय व इतर पारंपरिक व्यवसायांवर अवलंबून आहेत. ग्रामीण जीवनशैली, सामाजिक सलोखा आणि परंपरांचे जतन ही भायगव्हाण गावाची ओळख आहे.

गावात भव्य ग्रामसंसद भवन बांधण्यात आले असून या कार्यालयामार्फत आपले सरकार सेवा केंद्र चालवले जाते. या केंद्राद्वारे सर्व नागरिकांना वेळेवर संगणकीकृत दाखले व ऑनलाईन सेवा दिल्या जातात.

गावात  हनुमान, विठ्ठल-रुक्मिणी आणि महादेव मंदिर ही प्रमुख धार्मिक स्थळे आहेत. स्मशानभूमीमध्ये वृक्ष लागवड, पिण्याचे पाणी, बाकडे व शेडची व्यवस्था करण्यात आली असून ते ठिकाण अत्यंत निसर्गरम्य आहे.

गावातील प्रत्येक घरात ओला व सुका कचरा वेगळा ठेवण्यासाठी दोन कचरा कुंड्या देण्यात आल्या आहेत.
अंगणवाडी व जिल्हा परिषद शाळांची रंगरंगोटी, डिजिटल शिक्षण प्रणाली, प्रोजेक्टर व सुंदर बेंचेस यांच्या साहाय्याने विद्यार्थी १००% उपस्थित राहून शिक्षण घेत आहेत.